星期六之公公婆婆日

每個星期六我都會帶喱喱跟公公婆婆出外吃飯，

多數會去d商場, 唔駛煩泊車位之餘，唔怕地方太污穢，

可以行行商店，又可以比喱喱周圍行下。

公公婆婆最開心見到喱喱，其實有咩食完全不重要，因為見到喱喱佢地都開心到飽哂喇~~

迪士尼黑色世界

一年前第一次帶喱喱去迪士尼係從黑色世界開始，

當時喱喱只有4個多月，只是眼仔碌碌甘四圍望，

見到米奇美妮也沒有太大反應。

一年後再去黑色世界，喱喱已經完全不同。

佢已經可以在樂園裏走來走去，更特別鐘意到商店裏去，

因為到處都是五顏六色的公仔同玩具，

他會指着他們很興奮的依依呀呀。

那天好友從星加坡回來，

特地一同帶BB們去樂園酒店餐廳食飯，

一眾BB們更追着米奇美妮同其他卡通人物玩，

又鍚又抱，極之開心!

Pre-Nursery class

最近都在忙幫喱喱申請Pre-Nursery班的事情, 其實我不是完成贊成BB太早開始上學, 希望他可以好好享受他的Baby world, 因為以後起碼仲有20多年讀書嘅時間... 

但係係香港甘密集式嘅教育制度下, 唔比佢讀PN又怕落後於他人.  再加上自己又要返工, 無時間自己教導, 心諗比起從早到晚對住姐姐，不如到學校跟老師學習下同小朋友玩玩會更好.

我唔想選擇太嚴厲嘅學校, 不想強迫他讀書.  我希望喱喱可以喜歡學習, 同埋有機會探索讀書以外嘅世界.   

爸爸同我都係美國讀書, 喱喱將來都會一樣.  我地較喜歡外國嘅教育制度.  但係香港教育制度都唔係無好處, 它訓練我們更有紀律,所以呢幾年辛苦下先啦.

小寶貝, 爸爸媽媽希望將最好的都計劃好同留比你~~

15個月大喱喱

15個月大嘅喱喱已經不再是Baby喇.  已經很會扭計, 有自己主見, 喜好.

會選擇自己喜歡做嘅事, 拒絕不喜歡的要求.  仲識得扮可憐黎達到目的。

看他一天一天長大, 心裏面雖然有點不捨得, 但係又很期待. 

每天看他學習新事情, 對所有事物都充滿好奇, 新表情天天變化, 很是開心.

雖然他天天都在長大, 不過他永遠都是我的baby, 我的寶貝!

新屋入伙

從yahoo blog搬過黎Blogger, 因為喱爸話呢邊靚啲禾。

同埋話呢邊無甘多無聊人留信息禾。所以即本試試先。